بداية معرفتي بهؤلاء الشباب كان عن طريق صديقي خالد عادل، كان خالد كل ما أنزل مصر اجازة يكون مشغول في مظاهرات!! كان الكلام ده من ٢٠٠٧ و ٢٠٠٨ و قبل كدا ، في مرة كنا بنلعب كرة و هو كان لسة راجع من "الدويقا"، فابسألو إنت إيه اللي وداك هناك يبني، قالي بفهم الناس!! طبعاً عايز أقوله إنت مجنون ، بسألو بتفهمهوم إيه، قالي إنت عارف أنهم ضحكوا عليهم في الشقق اللي كان المفروض يستلموها و هما دلوأتي عايشين في خيام ( أنا د اللي فكرو عشان كان من كذا سنة) !!!!! قلتلو طب و إنت بتلملهوم فلوس يعني، قالي مش كدا، قالي تفتكر لكام ألف اللي هنلمهم هينفعهم في حاجة، فضل يكلمني عن الفقراء في مصر، و ازاي إن الناس دي كتير أوي، و مش كم ألف هما اللي هيساعدهم، قالي المشكله في النظام!!!!
"النظام " كانت أول مرة أسمع حد بيتكلم عن ثوره، الكلام دة كان من كذا سنة، قالي الفقراء للاسف بيضحك عليهم من التلفزون و الجرايد، فاكرين إن دي أزمة إقتصادية، أنا بروح مع صحابي نفهمهم إن دي أزمة فساد، لازم الناس دي تعرف تربط بين السياسة و رغيف العيش، تفهم إن أزمة السكن دي عشان السياسة، أنه لم بيمرض بيخش مستشفيات شبه الزريبا بيموت فيها، بردو عشان السياسة!! الفقراء دول حيفضلو كدا لو محدش فينا فهمهم!! أنت فاكر إن فيه أزمة إقتصادية، مصر فيها فلوس! اللي بيوصلنا من موارد الدولة فتافيت، سمعت منه ازاي إن الخلاص من الطبقة البرجوازية اللي بتحكم مصر مش هيجي غير عن طريق الشعب، و للشعب، عن طريق ثورة...
قالي أن و صحابي بنروح نساعد الفقراء و العمال، بنعملهوم مظاهرات و وقفات و اعتصامات عشان ياخدوا حقوقهم، و قريب الشعب هيفهم إن دي أزمة فساد، و سياسة، و هيثوره على مبارك، و سعتها كلهم هيهربوا، و الفلوس دي هترجع للفقراء و العمال، خالد و صحابو إتسجنو كتير، و ظباط أمن الدولة كانو يعرفهم بالاسم، إتسحلو من الشرطة، بس عمرهم مبطلو مظاهرات، كان الطريق مظلم، فعلاً مكنش فيه أي أمل في نهاية المشوار اللي هما فيه، طبعاً دراستهم و شغلهم اتأثر جامد، بس معرفوش يسكتوا عن حق الفقير و المواطن ...........................................................................................
١١ فبراير ٢٠١١ : قضيت معظم أوقات الإعتصام أيام الثورة مع الشباب دي، طبعاً ميدان التحرير كله كان معجزة، و كلنا كافحنا عشان الفساد، دة كان وقت مقابلت معظم الشباب على قايمة دي، و أتأكد بنفسي من اخلاصهم....!!!!
قررت أن أعطي صوتي لتحالف الثورة مستمرة، كثير من الثوار يعرفوهم، ولكن عدد أكبر بكبير مايعرفش و أعتقد أنهم في أشد الحاجة لأصواتنا!
أنا هصوت لتحالف الثورة مستمرة عشان فيه عدد كبير من الحركات الشبابية اللي كنت سبب رئيسي في تحريك شعب مصر العظيم للقيام بالثورة ضد الفساد و الظلم و الفقر، و للاسف تمويل الحملة فقير جداً عشان معظمهم شباب، فهم فعلاً محتاجين أصواتنا، متأكد إن مفيش فلول على قوايمهم!
أنا هصوت لتحالف الثورة مستمرة عشان معظم الناخبين من هذا التحالف في التحرير دلوقتي موقفين حملتهم الاتخابية عشان يحاربوا فساد المؤسسة العسكرية!
أنا هصوت لتحالف الثورة مستمرة عشان معظم الشباب اللي عليه كانو واقفين مع الفقراء و العمال سنين قبل الثورة و مش في دماغهم أي مكاسب شخصية!
أنا هصوت لتحالف الثورة مستمرة عشان عايز واحد في البرلمان يكون كل همه إن المواطن المصري يعيش حياه كاريمة و يكون خير من يمثلني في المجلس!
أنا هصوت لتحالف الثورة مستمرة عشان احقق التالت مطالب اللي نزلت عشنهم التحرير: أمانة حرية عادالة إجتماعية!!
دة اللينك القوائم بتاعهم : http://thawramostamera.com/
للأمانة بردو لازم أقول إن من وجهة نظري الشخصية ينقصهم بعض من النظام والخبرة السياسية، ولكن لم أقابل خيراً منهم في اخلاصهم كي يمثلني في المجلس! أنا للتوضيح لست في أي حزب، و رأيي بالطبع يحتمل الصواب أو الخطأ، ولكن صوتي أمانة، و من الامانة إن أقول ما رأيته من حب خالص لمصر و حق المواطن من هؤلاء الشباب، و لازم أقول أني لا أزايد على أحد، يعلم الله إن شباب مصر المخلص في كل مكان!! والله أعلى وأعلم!!
No comments:
Post a Comment